كتبت: هبه الضوي
ليه ننشر الرعب والهلع في نفسية أطفالنا بالشكل ده.. لما بنحب نخلص من زن الأطفال.. بنشغل لهم قناة كرتونية.. ودي اكتر حاجة بيحبوها ويقلدوها وكمان يحفظوا تفاصيلها.
يعني لازم استغل دا في حاجة إيجابية، زي كرتون الاطفال الخاص بالنظافة الشخصية أو عشان الفيروسات والميكروبات، والفترة اللي بنمر بيها دلوقتي من أزمة كورونا، للعناية بأنفسهم، أو عدم اللعب بالكبريت أو النار أو الولاعه، وتقديم نصائح للآباء للتعامل مع ده لو حصل حاجة لقدر الله اسعافات أولية بسيطة، انما توصل الغباوة إني اعمل اعلان كرتون عن مستشفي معالجة الحروق
بالشكل المؤذي نفسيا كده، واسيب اطفالنا تصرخ وتعيط ويمرضوا بالخوف والفزع والهلع لو لمحوا بس شمعة منورةحتي.. فده صعب جدا بحولهم لحالة من الفوبيا.
اعلان غير موافق في اختياره، مؤذي نفسيا لكل طفل
لانهم اكتر فئة يتحفظ التفاصيل وتقلد وتعمل نموذج سواء إيجابي أو سلبي لأي إعلان بيتم اذاعته أو بثه علي القنوات.
اوقفوا الاعلانات المسئية.. ارجوا مراقبة ما يتم بثه من قبل الدولة حفاظا علي نفسية أطفالنا في كل بيت.
