يومياتي انا وحماتي..

يومياتي انا وحماتي..

سحر محمد

موعدنا مع الفكاهة 😂
في يوم من ذات الايام صحيت م النوم لا بيه ولا علي وخصوصا بعد ما ابو العيال اتنازل وصالحني بعد ما غضبني بسبب اسم النبي حارسه وائل ولقيت الجيران عملين دوشة وزيطة خير يا جماعة في ايه حد يفهمني حاجة ولقيت الواد ابني السفروت ابو سبع السن طالع يجري وينهج فكرني بيا واحنا صغيرين لما كنا بنجري ورا عربيات الرش بتاعة النامووس ونقول هيييييه..اهو مقطوم الرقبة كان بيقول هيييييية بردة ..مالك يا مقطوم الرقبة بتزعط كانك لدعك دبور كدة ليييه؟ تيتة جت نعم يا روح ماما من جوة بتقول ايه سمعني تاني…تيتة جت خلاااص جتك مشش في حواجبك يا شيخ ..جت فين …يووووه اخرس ولا اتكلم حددي …مااشي صبرك عليه ولسة مكملتش الكلمة ولقيت لك اسم النبي حارسها وصاينها داخلة علي وبتنهج وتقولي اتحركي ياختي وهات كرسي اقعد عليه بدل ماانتي واقفة زي التمثال كدة ..اهلا بام الغالي.هلت الانوار يا غالية ….اوعي يا شيخة بلاغالية بلا فتكات يا صبااااح القفشات يا حماتي ويادوب لقطت نفسها وبصت لي بصة المفتش كرومبوا وقالتلي ما تتحركي يا ست انتي وتجيبلي حاجة اشربها..تشربي ايه ياغالية هوانتي مش لسة قاعدة …لا ياحماتي ودي تيجي شرب ايه يا حبيبتي اللي هتشربيه مش لما تتغدي…وبصتلي تاني يا اوختي وكاني عادل امام في المشبووووه مالك احبيبتي وياام الغالي في حاجة …في انك معندكيش سينس …مين ده يا حماتي عصير؟ ماانتي جاهلة ياعيني عليك يابني وعلي حظك …من يومك يا ضنايا وانت حظك شوية واهي ختمت بدي…مين دي يا حماتي انااااا…لا والله بتسالي صحيح محدش بيحس مفيش دم …يخربيت الكفرة …اهدي يا حاجة ..حاجة غصب عنك هو انتي لو مش نحلة وبرة اول باول علي طلباتك كان زماني حجيت انا وهو …انما يا روح امه مش ملاحق ….يا دهوووووووتي ..اشق هدومي ..ايه يا حماتي …في ايه يا غالية …مالك احجة ..لا مالي ولا مال اتحركي يا ست يا رغاية وهاتيلي حاجة تبل ريقي اللي نشف من المناهدة هو انتي بتشتغلي وهتديني دا خير الغالي حبيب امه…يااهلا يا ام الغالي …يا ريني ما رجعت ماله بيت ابويا واسمع وائل براحتي بدل عاصفة الصحراء اللي انا فيها دي…حاضر يا حماتي عنيه..لا ياختي خلي عينك في وشك توريكي تعمل الحاجة ازاااي…يلا اتحركي…ودخلت المطبخ لقيت الاكل اللي في الفرن شاااااط …الله ينور بركاتك يا ام الغوالي…وادينا ضمنت ليلة من الف ليلة وليلة مع الغالي ابن الغالية ..وقبل ما يصيح الديك صحيت علي صوت الغالي …اتحركي يا مدام عندنا شغل ابقي بطلي سهر للافلام والنت والقرف …اهلاااا بابن الغالية …وصحيت يا ختي بتكفي علي وشي …ومهمنيش وغلاوتك اللي قالوا الغالي يهووووون ….المهم ان الحلم انتهي علي خير …تسلملي يا ابوعيالي رحمتني من الغالية وصحيتني م النوووووم ….ياختي قطع النوم وكوابيسة
…هوانا يا ربي هلاقيها منين ولا منين …ههههههههه واتنهي الحلم بسلااااااام..
افتكاسة هزلية…
والبقية تاتي…
انتظروني ويومية جديدة

علق علي الخبر

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by themekiller.com anime4online.com animextoon.com apk4phone.com tengag.com moviekillers.com